Алматы облысында ер адам екі арыстанды қоймада асыраған

Алматы облыстық ПД ҰҚҚКБ қызметкерлері 5 айлық екі арыстанды заңсыз ұстаған 2001 жылғы А. есімді азаматты құрықтады, деп хабарлайды El.kz ақпарат агенттігі.

ҚР ІІМ мәліметінше, аталған дерек ҚР ҚК 339-бабының 1-бөлігінде көзделген қылмыстық құқық бұзушылық белгілері бойынша Қарасай ауданының полициясында тіркелді.

Полиция қызметкерлері тексеруден кейін экзотикалық жануарларды тәркіледі. Аталған дерек бойынша қылмыстық істі тергеудің толықтығы мен жан-жақтылығын қамтамасыз етуге бағытталған барлық қажетті тергеу әрекеттері жүргізіліп жатыр, - делінген мәліметте.