Алматы облысында адам ұрлаған әйел ұсталды

Алматы облысында адамды күштеп байлап, ұрлап әкеткен әйел адам полиция қолына түсті, деп хабарлайды El.kz ақпарат агенттігі. 

Қылмыстық іске барған әйел қыздың аузы мен қолын байлап, өңірдегі Қарғалы ауылының қараусыз қалған ғимараттың аумағына алып барған. Осы әрекеттен кейін күдікті баланы босатты.

Тексеру барысында полиция қызметкерлері 23 жастағы әйелді анықтады. Ол Жамбыл облысының ауылдарының бірінде ұсталып, уақытша ұстау үшін арнайы полиция бөлімшесіне орналастырылды. ҚР ҚК 126-бабының 2-бөлігі 5-тармағы (Көрінеу кәмелетке толмаған адамға қатысты; бас бостандығынан заңсыз айыру) бойынша сотқа дейінгі тергеу жүргізіледі, - деп жазылған ІІМ таратқан ақпаратта. 

Қазіргі уақытта күдіктінің қатысуымен қажетті тергеу әрекеттері жүргізіліп жатыр.