«Алматы-2» теміржол вокзалында өрт-тактикалық оқу-жаттығуы өтті

Қазақстан ТЖМ құтқарушылары Алматы-2 теміржол вокзалында өрт-тактикалық оқу-жаттығу өткізді, деп хабарлайды El.kz ақпарат агенттігі.

Оқу-жаттығу барысында вокзал ғимаратында шартты өртті сөндіру бойынша іс-шаралар, сондай-ақ теміржол кешенінің әкімшілігімен өзара іс-қимыл пысықталды.

Мүмкіндігі шектеулі жандарды құтқаруға ерекше назар аударылды, бұл келушілер көп болатын нысандарда қауіпсіздікті қамтамасыз етуге дайындықтың маңызды бөлігі болып табылады.

Барлық қойылған міндеттер сәтті орындалды және алынған тәжірибе төтенше жағдайларға ден қою тиімділігін арттыру үшін одан әрі жұмыста пайдаланылатын болады.