Алғаш рет: Бублик АҚШ ашық чемпионатының 4-айналымына шықты

Қазақстандық теннисші Александр Бублик карьерасында алғаш рет АҚШ ашық чемпионатының төртінші айналымына жолдама алды, деп хабарлайды El.kz интернет порталы.

Бублик үшінші кезеңде АҚШ өкілі Томми Полды бес сетке созылған ауыр кездесуде ұтты. Есеп: 7:6 (7:5), 6:7 (4:7), 6:3, 6:7 (5:7), 6:1.

Матч 3 сағат 40 минутқа созылды. Осы уақыт ішінде қазақстандық теннисші 21 эйс жасап, 12 қос қате жіберіп, сондай-ақ 8 брейк-пойнттің 3-еуін пайдаланды.

1/8 финалда Бублик әлемнің бірінші ракеткасы Янник Синнерге қарсы шығады. Бұл олардың жетінші ойыны болмақ.

Бұған дейінгі кездесулерде есеп мынадай:

Шөп кортында Бублик алда – 2:1 (соның ішінде Галледе екі жеңіс);

Грунтта Синнер басым – 1:0 (Ролан Гаррос, ширек финал);

Хардта итальяндықтың артықшылығы – 2:0 (Майами, Дубай).