Алдағы үш күнде жел күшейіп, жаңбыр жауады

Қазгидромет мәліметінше, Қазақстанның басым бөлігінің ауа райын Оңтүстік циклон және онымен байланысты атмосфералық фронтальді бөлімдер айқындайды, жаңбыр, найзағай, бұршақ күтіледі, деп хабарлайды El.kz ақпараттық агенттігі.

18-20 мамырда солтүстік-батыста, орталықта, 18-19 мамырда оңтүстікте, 18-20 мамырда еліміздің оңтүстік-шығысында қатты жаңбыр болады деп болжануда. Сондай-ақ республика бойынша желдің күшеюі күтілуде.

Қазақстан бойынша температуралық фонның жоғарылауы болжануда. Республиканың солтүстігінде, шығысында және орталығында түнгі уақытта 3 градусқа дейін үсік болжанады.