Адамға пішіндес роботтар соңғы бір жылда қандай қабілеттерге ие болды

Өткен жылы адам пішіндес роботтар (гуманоид роботтар) «денелік интеллект» бағыты бойынша болашақтың негізгі салаларының бірі ретінде Қытайдың «15-бесжылдық» даму бағдарламасына енгізіліп отыр. 

Қарапайым тілмен айтқанда, денелік интеллект – бұл роботтың бүкіл денесі арқылы қоршаған ортаны сезініп, соған сай әрекет ете алуы. Яғни ол тек ойлап қана қоймай, қозғалып, заттарды ұстап, тепе-теңдігін сақтап, күрделі қимылдар жасай алады.

Weixin.qq.com басылымының жазуынша, 2025 жылы гуманоид роботтар айтарлықтай серпіліс жасады. Олар қоршаған ортаны сезіп, үйрену қабілетін үздіксіз жетілдіріп, түрлі қоғамдық іс-шараларда бой көрсете бастады. Мысалы, олар көктемгі фестиваль сахналарында өнер көрсетіп, марафон жарыстарына қатысып, мектептер мен зауыттарда тәжірибелік қолданысқа енгізілді.

Қытайдың Ханчжоу, Шэньчжэнь, Шанхай және Бейжің қалаларында робот техникасы мен жасанды интеллектті зерттейтін ғылыми орталықтар белсенді дамып жатыр. Бұл қалалар гуманоид роботтарды әзірлеу мен сынақтан өткізудің негізгі хабтарына айналды.

Мамандардың айтуынша, адам пішіндес роботтардың дамуы өндіріс, білім беру, қызмет көрсету және қауіпсіздік салаларында жаңа дәуірдің басталуына жол ашады. Болашақта олар адамдарға ауыр, қауіпті немесе бірсарынды жұмыстарда нақты көмекші болмақ.