Адам аптасына неше рет жаттығу жасауы керек?

Фитнес-жаттықтырушы Дмитрий Смирнов Pravda.ru-ға берген сұхбатында аптасына неше рет жаттығу керектігін айтты, деп хабарлайды El.kz интернет порталы.

Оның сөзінше, орта деңгейдегі жаттығушылар үшін аптасына үш рет жаттығу ең оңтайлы көрсеткіш болып саналады. Бұл режим жақсы нәтиже беріп, ағзаны артық шаршатудан сақтайды. Ал аптасына төрт-бес рет жаттығу тек кәсіби спортшыларға ұсынылады.

Маманның айтуынша, күніне екі рет жаттығу жасауға да болады, бірақ ол үшін жүктемені дұрыс бөлу және қалпына келу ережелерін сақтау қажет. Яғни дұрыс тамақтану, 8-9 сағат ұйықтау және жаңа режимге біртіндеп бейімделу маңызды.

Смирновтың сөзінше, күнделікті жаттығулардың түрленіп отырғаны дұрыс. Себебі жүктемені қате бөлу немесе демалыс пен ұйқының жетіспеуі артық жаттығуға әкелуі мүмкін, әсіресе қала өмірінің  жағдайында.