Абай облысының оқушысы шешендік өнер үйірмесін ашты

Абай облысы Аягөз ауданындағы №10 қазақ-мектеп гимназиясының 10-сынып оқушысы Әли Мұхтарұлы - Ү респбуликалық «Ділмар» шешендік өнер байқауының жеңімпазы атанды, деп хабарлайды El.kz  ақпарат агенттігі.

Ол өзі оқитын мектепте «Аягөз-Ділмар» шешендік өнер үйірмесін ашып, үйірмеге жетекшілік жасап, ұйымдастыру жұмысына кірісіп кетті. Қазір өз қатарластарына көркем сөйлеуді үйретіп жүрген жайы бар. 
 
Әли Мұхтарұлы аптасына 2 мәрте сабақ береді. Үйірмеге аудандағы 45 баланың ішінен іріктелген 12 оқушы қатысады. Олар сабақтан тыс уақытта кітап оқып, әр түрлі шығармаларды талдайды. Үйірме мүшелері 7 наурыз күні шешен Бегеш Сабанұлының 190 жылдығына орай өткен облыстық шешендік сайысын өткізді. Көпшілік алдында сөйлеу дағдылары жұмыста алға жылжуға көмектесіп, өзіне деген сенімділікті және нақты ойлау қабілетін дамытады.