Абай облысындағы жолдардың шұғыл жөнделуіне қатысты әкімдік пікір білдірді

Абай облысының әкімдігі Президенттің өңірге сапары аясында сапасы нашар жолдардың жөнделуіне қатысты пікір білдірді, деп хабарлайды El.kz ақпараттық агенттігі.

Бұған дейін БАҚ-та жолдардың шұғыл жөнделіп, асфальт жамалып жатқаны жайлы хабар айтыла бастаған болатын. Аталған жағдайдан кейін өңір әкімдігі мәселенің мәнін түсіндірді. 

«Бородулиха-Жерновка-Поллог» аудандық маңызы бар жолында көлік құралдарының, оның ішінде құтқару қызметі мен волонтерлердің қозғалыс қарқыны артты. Осыған байланысты өрт сөндіру штабына келіп-кететін автомобиль ағынын ескере отырып, қауіпсіз қозғалысты қамтамасыз ету және жүру бөлігін шаңнан арылту мақсатында жолдағы шұңқырлар уақытша бітелді» - деді әкімдіктің баспасөз қызметі.