Абай облысында жол апатынан жүргізуші қайтыс болды

Абай облысында жол апаты көлік жүргізушісі оқиға орнында көз жұмды, деп хабарлайды El.kz ақпарат агенттігі.

Облыстық ПД мәліметінше, қайғылы оқиға 10 сәуірде шамамен сағат 05:20-да Семей – Бородулиха автожолының 16-шақырымында болған.

Volkswagen Passat маркалы автокөліктің 33 жастағы жүргізушісі Бородулыха ауылына бара жатып, рөлге ие бола алмай, жол жиегінен шығып кеткен, салдарынан ағашқа соғылды. Жол-көлік оқиғасынан жүргізуші оқиға орнында көз жұмды, - делінген мәліметте.

Аталған дерек бойынша сотқа дейінгі тергеп-тексеру жұмыстары басталды.