Басты
Жаңалықтар
Оқиға
Абай облысында жаңа өрт сөндіру бекеті ашылды

Абай облысында жаңа өрт сөндіру бекеті ашылды

Жансая Тәуекелқызы
Фото: Абай облысының әкімдігі

Ел Конституциясының 30 жылдығы аясында Мақаншы ауданының Қабанбай ауылдық округінде жаңа өрт сөндіру тірек бекеті ашылды, деп хабарлайды El.kz интернет порталы.

Жаңа өрт сөндіру бекеті заманауи талаптарға сай жабдықталған. Мұнда "Урал" және КамАЗ маркалы өрт сөндіру көліктері бар.

Бекетте 3 өрт сөндіруші қызмет етеді. Олар 4 су бүріккіш қондырғы, 3 өрт сөндірушінің жауынгерлік киімі, 3 дана күнделікті киіммен және өзге қажетті құрал-жабдықтармен қамтылған. Кезекшілікті тиімді ұйымдастыру үшін бекетте жатын орын, кезекшілік телефоны және арнайы рациялар қарастырылған.

Жаңа өрт сөндіру тірек бекеті ауыл тұрғындарының қауіпсіздігін қамтамасыз етуге, төтенше жағдайларға жедел әрекет етуге, сондай-ақ елді мекендердегі халықтың өмірі мен мүлкін өрттен қорғауға бағытталған маңызды нысан болып отыр. 

өрт сөндіру Абай облысы
Қысқа да нұсқа. Жазылыңыз telegram - ға

Оқи отырыңыз

{