Абай облысында құтқарушылар тұрғын үйлерді су басуының алдын алды

ТЖД қызметкерлері Абай облысында тұрғын үйлердің су басуын болдырмады, деп хабарлайды El.kz ақпарат агенттігі.

ТЖМ мәліметінше, Абай облысы ТЖД күштері мен Қ.Қайсенов атындағы 68303 әскери бөлімінің әскери қызметшілерінің жедел әрі үйлесімді әрекеттерінің арқасында 40-тан астам жеке тұрғын үйдің су астында қалуына жол берілмей, су тасқыны жағдайын тұрақтандырылды.

Барлығы 2270 метр арық тазартылып, 530 қап төселді, 530 м³ су сорылды, сондай-ақ қорғаныс құрылыстарын нығайту үшін 80 тоннаға жуық инертті материал пайдаланылды, - делінген мәліметте.

Әскери бөлімінің күштері мен құралдарын тұрақты орналасу пунктіне қайтару алдында Маканшы ауданының әкімі Абай облысы ТЖД қызметкерлері мен әскери қызметшілеріне кәсібилігі, үйлесімді жұмысы және қиын жағдайларда тапсырмаларды орындауға жоғары дайындығы үшін алғыс білдірді.