Абай облысында балықшыларға мұздағы қауіпсіздік ережелері ескертілді

Абай облысы ТЖД қызметкерлері балықшыларға қауіпсіздік ережелерін еске салып, Шүлбі су қоймасында профилактикалық рейд өткізді, деп хабарлайды El.kz ақпарат агенттігі.

ТЖМ мәліметінше, ескертулерге қарамастан, екі жүргізуші көлікпен мұзға шыққан. Олар әкімшілік жауапкершілікке тартылды.

Көктемгі мұз кез келген сәтте жарылып, опырылып кетуі мүмкін. Оған көлікпен шығу – аса қауіпті. Өміріңізге қатер төндірмеңіз, өзіңіз бен жақындарыңыздың қауіпсіздігін ойлаңыз! - делінген мәліметте.