Абай облысында 96 адам қар құрсауында қалып қойған

Абай облысында ауа райының нашарлауына байланысты республикалық маңызы бар Алматы-Талдықорған-Өскемен-Шемонаиха-РФ шекарасы тас жолында 203 көлік қар құрсауында тұрып қалған, деп хабарлайды El.kz ақпарат агенттігі.

ТЖМ күштері мен ведомствоға қарасты Қасым Қайсенов атындағы 68303 әскери бөлімінің және Қорғаныс министрлігінің әскери қызметшілері қар құрсауынан 96 адамды, оның ішінде 42 баланы Аягөз қаласының уақытша орналастыру пунктіне эвакуациялады. Сонымен қатар шамамен 203 автокөлік қар құрсауынан шығарылды.

Министрлік жүргізушілерге сапарға шығар алдында ауа райы болжамын бақылап, төтенше жағдайлар үшін қажетті заттарды өзімен бірге алып жүруге кеңес береді.