Абай облысында 46,5 млн теңгенің бөлшектерін ұрлаған күдіктілер ұсталды

Абай облысында 46,5 млн теңгенің бөлшектерін ұрлаған күдіктілер ұсталды, деп хабарлайды El.kz ақпарат агенттігі.

Polisia.kz мәліметінше, 2024 жылдың 24 қыркүйегі мен 19 қазаны аралығында белгісіз адамдар айлакерлікпен зауыттың қабырғасын бұзып, кәсіпорын филиалының суық қоймасына заңсыз кірген.

Олар арнайы техникаларға арналған қосалқы бөлшектерді ұрлап, жалпы құны 46 568 488,41 теңге шығын келтірген.

Полиция қызметкерлерінің жедел әрекет етуінің арқасында күдіктілер анықталды. Олар алдын ала келісіп әрекет еткен үш ер адам болып шықты. Барлығы ұсталып, уақытша ұстау изоляторына қамалды. Тергеу әлі де жалғасуда, - делінген мәліметте.