26 шілдеге арналған ауа райы болжамы

«Қазгидромет» РМК 26 шілдеге арналған ауа райы болжамын ұсынды, деп хабарлайды El.kz интернет порталы. 

Синоптиктердің мәліметінше, солтүстік-батыс циклоны мен онымен байланысты атмосфералық фронтальды бөліктердің әсерінен алдағы күндері Қазақстанның басым бөлігінде күн күркіреп, жаңбыр жауады.

Елдің солтүстік-батысында, солтүстігінде және күндіз орталық өңірлерде қатты жаңбыр жауып, кей аймақтарда бұршақ пен дауыл соғуы ықтимал. Тек оңтүстік, шығыс және оңтүстік-шығыс өңірлерде антициклонның ықпалымен жауын-шашынсыз күн райы сақталады. Республика көлемінде жел күшейіп, оңтүстік пен оңтүстік-батыста шаңды дауыл тұруы мүмкін. Ал солтүстік-батыс өңірлерде түнде және таңертең тұман түсуі ықтимал.

Ыстық ауа райы:

• Жетісу және Алматы облыстарында күндіз ауа температурасы 35–39°С,

• Жамбыл облысында 38–40°С,

• Түркістан облысында 40–41°С,

• Абай мен Шығыс Қазақстан облыстарында 35–38°С-қа дейін ысиды.

Жекелеген аймақтарда аптап ыстық күшейе түседі:

• Жетісу облысының солтүстік-батысы мен орталығында 40–42°С,

• Алматы облысының батысы мен солтүстігінде 42°С,

• Абай облысының оңтүстігінде 41°С аптап ыстық болады.

Өрт қаупі:

• Жоғары өрт қаупі: Абай, Шығыс Қазақстан, Қостанай (батысы, шығысы), Солтүстік Қазақстан (батысы), Ақмола (шығысы), Павлодар (батысы, оңтүстігі, шығысы), Ақтөбе (солтүстік-батысы) облыстарында.

• Төтенше өрт қаупі: Маңғыстау, Қызылорда, Түркістан, Алматы, Жамбыл, Қарағанды, Жетісу облыстарында; Ұлытау облысының оңтүстігі мен шығысында; Атырау (солтүстігі мен шығысы), Ақтөбе (оңтүстігі мен шығысы), Батыс Қазақстан (шығысы), Қостанай мен Ақмола облыстарының оңтүстігінде, Абай облысының солтүстік-батысы, орталығы мен оңтүстігінде, сондай-ақ Шығыс Қазақстан облысының оңтүстігінде өрт қаупі өте жоғары деңгейде сақталады.