2030 жылға дейін тыңайтқыш өндірісі 4 млн тоннаға ұлғаяды – Нағаспаев

Агрохимия саласы еліміздің азық-түлік қауіпсіздігін қамтамасыз ету үшін ерекше маңызды. Бұл туралы Үкімет отырысында сөз сөйлеген өнеркәсіп және құрылыс министрі Ерсайын Нағаспаев мәлімдеді, деп хабарлайды El.kz ақпарат агенттігі.

Осыған байланысты 2030 жылға дейін отандық егіншілерді тыңайтқыштардың негізгі түрлерімен – азот, фосфор және калиймен толық қамтамасыз ету көзделіп отыр, – деді министр.

Оның айтуынша, қайта жаңарту жұмыстары мен жаңа жобаларды іске асыру арқылы тыңайтқыштардың жалпы өндіріс көлемі 2030 жылға қарай 4 миллион тоннаға дейін ұлғаймақ.

Сонымен қатар біз тыңайтқыштардың жаңа түрлерін – карбамид пен калий хлоридін өндіруді жоспарлап отырмыз, – деді Ерсайын Нағаспаев.