Көктем – жаңа бастамалар мен жаңарудың уақыты. Бұл мезгілде иіс таңдауға да ерекше көңіл бөлген дұрыс. Биыл Қазақстанда қандай ароматтар трендте, ендеше соған тоқталайық.

Тәтті иістер

Кейінгі жылдары тәтті ароматтар айтарлықтай өзгерді. Бұрынғыдай қарапайым, «кондитерлік» тәтті иістер біртіндеп күрделірек, терең реңктерге ауысып жатыр. Қазір парфюмерлер мұндай «десерт» иістерді ағаш, жер, минерал және шайыр ноталарымен үйлестіріп, композицияға тереңдік және сезімталдық қосады.

Мысалы, Yves Saint Laurent Libre Le Parfum (әйелдерге арналған) құрамындағы ваниль мен шығыс ноталары тәттілікті жаңа деңгейде көрсетсе, Jimmy Choo I Want Choo Forever (әйелдерге арналған) иісінде тәтті шие мен ваниль арқылы батыл әрі ерекше ашылады.

Сонымен қатар қазіргі тәтті ароматтардың кейбірінде алкоголь реңкі сезіледі. Мұндай иіс ерекше есте қалады.

Сүт, жаңғақ және алкоголь

2026 жылғы парфюмерияда жайлылық сезімі басты орынға шықты. Соның нәтижесінде сүтті, жаңғақты және алкоголь иісті иіссулар кеңінен қолданыла бастады.

Сүт иіске жұмсақтық береді. Ол теріге жақсы сіңіп, жылы әсер қалдырады. Мұндай бағыттағы ароматтарға мысалы, бадам мен жұмсақ тәттілік қосылған Prada Paradoxe Eau de Parfum (әйелдерге арналған) жақын келеді.

Жаңғақ ноталары композицияны қанық етеді. Әсіресе бадам мен пісте жиі кездеседі. Олар иіске тәттілік қоса отырып, оны ауырлатпайды.

Ал ром, коньяк, бурбон секілді алкоголь реңктері парфюмге ерекшелік береді. Мұндай жылы әрі терең бағыт Emporio Armani Stronger With You Absolutely (ерлерге арналған) ароматында да анық байқалады.

Жеміс ноталары

Жемісті ароматтар биыл жаңа деңгейге көтерілді. Бұрын олар тек алғашқы әсер үшін қолданылса, қазір композицияның негізгі бөлігіне айналды.
Қазіргі парфюмдерде жеміс иісі өте табиғи сезіледі. Мысалы, шабдалы немесе құлпынай нотасы тек тәтті емес, оның жұмсақтығын, тіпті сәл қышқылдығын да сездіреді.

Бұл бағытқа Givenchy Irresistible Eau de Parfum (әйелдерге арналған) және Chanel Chance Eau Splendide (әйелдерге арналған) жақсы мысал бола алады.

Қазір шабдалы, өрік және құлпынай иісті иіссулар трендте. Ол парфюмдер нәзік, жылы реңк береді.

Шай ноталары

Қазіргі таңда адамдар иістен тек сәнділік емес, эмоция күтеді. Сондықтан да шай ноталары ерекше сұранысқа ие болды.
Матча, жасыл шай, мате немесе дәмдеуіш қосылған сүтті шай секілді аккордтар ароматқа тыныштық пен тепе-теңдік береді. Мұндай иістер ұзақ уақыт бойы жайлы әсер қалдырады.

Бұл бағыттағы жеңіл әрі «таза» сезілетін композицияларға Versace Pour Homme (ерлерге арналған) секілді сергек цитрусты-гүлді ароматтар да жақын келеді.
Шай ноталары әсіресе күнделікті қолдануға ыңғайлы. Кез келген жерде артық байқалмай, сенімділік береді.

Ағаш ноталары

Ағаш иістері әрдайым классика саналады. Бірақ 2026 жылы олар мүлде жаңа деңгейде ұсынылып отыр.
Қазіргі ағаш ароматтар ауыр емес, керісінше өте нәзік әрі таза сезіледі. Сандал жұмсақтық береді, кедр жеңіл әрі табиғи реңк қосады, ал гваяк сәл түтіннің әсерін қалдырады.

Осындай бағыттағы заманауи ароматтарға Prada Paradigme Pour Homme (ерлерге арналған) және Valentino Uomo Born In Roma Intense (ерлерге арналған) мысал бола алады.

Нәзік иістер трендте

Соңғы жылдары өте күшті, иісі алысқа жететін парфюмдер сәнде болды. Алайда 2026 жылы бұл тренд біртіндеп өзгеріп келеді.
Қазір басты назар – жұмсақ, табиғи және теріге жақын иістерде. Олар адамның иісін толықтырады. Мұндай ароматтар күнделікті өмірге әлдеқайда ыңғайлы.

Мысалға жоғарыда атап кеткен Prada Paradoxe Eau de Parfum (әйелдерге арналған) немесе Chanel Chance Eau Splendide (әйелдерге арналған) секілді ароматтарды келтіруге болады. Ол нәзік, бірақ есте қалатын әсер береді.

Тіпті бұрын «ауыр» саналатын уд, мускус, амбра секілді ноталар да қазір жеңіл әрі нәзік түрде беріледі. Олар жалпы гармонияны бұзбайды.

Қазақстанда қандай парфюмдер сұраныста?

Қазақстандықтардың талғамы да өзгеріп келеді. Сатылым деректері көрсеткендей, парфюмге деген қызығушылық айтарлықтай артқан.

Әйелдер арасында екі түрлі бағыт қатар сұраныста. Бірі – шығыс стиліндегі қою, ұзақ сақталатын ароматтар. Екіншісі – жеңіл, гүлді-жемісті иістер.

Ең танымал әйелдерге арналған парфюмдер:

–  Yves Saint Laurent Libre Le Parfum – шығыс және ваниль ноталары басым, терең әрі әсерлі;
–  Givenchy Irresistible Eau de Parfum – жеңіл, гүлді-жемісті, күнделікті қолдануға ыңғайлы;
–  Prada Paradoxe Eau de Parfum – нәзік, бірақ заманауи әрі стильді;
–  Jimmy Choo I Want Choo Forever – тәтті әрі батыл, кешкі уақытқа лайық;
–  Chanel Chance Eau Splendide – көктемге сай сергек әрі жеңіл.

Ерлер көбіне классикалық ароматтарды таңдайды, бірақ бұл жолы олар жаңа иістерге қызығушылық танытып отыр:

– Jean Paul Gaultier Le Male Elixir – тәтті әрі ұзақ сақталады;
– Emporio Armani Stronger With You Absolutely – жылы, тәтті және сәл ағаш реңкі бар;
– Valentino Uomo Born In Roma Intense – терең иісті әрі харизманы сездіреді;
– Versace Pour Homme – классикалық, жеңіл цитрусты;
– Prada Paradigme Pour Homme – заманауи, жұмсақ ағаш ноталары бар.

Айта кетейік, бұған дейін көктемде қандай ыңғайлы аяқ киім киюге болатыны жайлы жазған едік.