12 қазанда ауа райы қандай болады

12 қазанда еліміздің көптеген өңірінде ауа райы құбылмалы болады. Синоптиктердің болжамынша, республика аумағында жаңбыр мен қар жауып, жел күшейеді, деп хабарлайды El.kz интернет порталы.

Метеорологтардың мәліметінше, елдің батысында, орталығында, шығысында және оңтүстік-шығысында тұрақсыз ауа райы сақталады. Кей жерлерде жаңбыр мен қар күтіледі, сондай-ақ тұман түсіп, көктайғақ болады.

• Шығыс пен солтүстік-шығыста – көктайғақ;
• Батыс және орталық өңірлерде – тұман;
• Кей аймақтарда – желдің күшеюі болжанады.

Жетісу облысында түнде, ал Жамбыл облысының таулы аймақтарында 1–6 градус аяз болады деп күтілуде.

Қазгидромет мәліметінше, бірқатар облыстарда өрт қаупі жоғары деңгейде сақталады.

• Маңғыстау, Батыс Қазақстан, Атырау, Ақтөбе, Алматы, Қостанай, Ақмола, Жетісу, Абайжәне Ұлытау облыстарының кей өңірлерінде жоғары өрт қаупі күтіледі.
• Ал Қызылорда, Түркістан, Атырау, Жамбыл, Батыс Қазақстан, Ақтөбе, Алматы, Ұлытау және Қостанай облыстарының жекелеген аймақтарында төтенше өрт қаупі бар деп хабарланды.

Синоптиктер ауа райының құбылуы жол қозғалысы мен ауыл шаруашылығы жұмыстарына әсер етуі мүмкін екенін ескертеді. Азаматтарға ауа райы болжамдарын мұқият қадағалап, сақтық шараларын ұстану ұсынылады.