1 мамыр – бірлік пен татулық мейрамы

Қазақстанда 1 мамыр – Қазақстан халқының бірлігі күні ретінде аталып өтеді. Бұл – еліміздің бейбіт өмірін, ынтымағы мен келісімін айшықтайтын маңызды мерекелердің бірі, деп хабарлайды El.kz ақпарат агенттігі.

Мереке 1996 жылдан бастап аталып өтеді. Татулық пен тұрақтылық – кез келген мемлекеттің дамуының басты кепілі. Қазақстан – көпұлтты мемлекет. Мұнда жүзден астам этнос өкілі бір шаңырақ астында тату-тәтті өмір сүріп келеді. Ел ішіндегі достық пен өзара түсіністік – тәуелсіз еліміздің басты құндылықтарының бірі.

1 мамыр күні еліміздің түкпір-түкпірінде түрлі мәдени шаралар, мерекелік концерттер мен көрмелер ұйымдастырылады. Бұл – әр ұлттың салт-дәстүрін дәріптеп, олардың мәдениетін құрметтеуге мүмкіндік беретін күн.

Қазақстан халқының бірлігі күні – тек мереке ғана емес, ел болашағына сеніммен қараудың символы. Бұл күн – әр қазақстандықтың жүрегінде бейбітшілік пен бірлікке деген құрмет пен мақтаныш сезімін ұялатады.