Алматының Әуезов ауданында комьюнити орталық ашылды
Фото: t.me/almaty_akimat
Фото: t.me/almaty_akimat
06.01.2024 06:53
631
Алматы әкімі Ерболат Досаев Әуезов ауданының Мамыр-1 шағын ауданындағы жаңа комьюнити орталыққа барды, деп хабарлайды El.kz ақпарат агенттігі.
Бұл жастар бас қосатын ортаға айналады. Ауданда 14-35 жас аралығындағы 102 мың адам тұрады, оның 7,8%-ы NEET жастар.
Комьюнити орталықта білім беру және мәдени іс-шаралар өткізіледі, жастар білікті психологиялық және заң көмегін алып, жұмысқа орналасу үшін көмек сұрай алады. Онда резиденттер үшін барлық қызмет тегін.
Бізге кері байланыс қажет: барлық білім беру және біліктілікті арттыру курсы, жастар бағдарламасын қазіргі заманға бейімдеу керек десеңіздер, қайта қарастыруға дайынбыз. Мемлекет басшысы өз сұхбатында айтқандай, жастарға ерекше көңіл бөледі. Алдағы 2-3 онжылдық жастардың қолында, - деді Ерболат Досаев.
Комьюнити орталықтарды дамыту жөніндегі жоба – Қазақстанда жалғыз. 8 комьюнити орталық жылына 800 мыңнан астам жасқа қызмет көрсетеді. 2025 жылға қарай мегаполисте 16 комьюнити орталық болады.
Бөлісу:
Қысқа да нұсқа. Жазылыңыз telegram - ға