Жаңалықтар

Алматылықтар Іле Алатауы тауларынан 35 тонна қоқыс жинады

Сенбілік басталғанға дейін Төтенше жағдайлар департаментінің мамандары таулы жерлерде қауіпсіздік және мінез-құлық ережелері бойынша нұсқаулық өткізді
Алматылықтар Іле Алатауы тауларынан 35 тонна қоқыс жинады
Фото: gov.kz 08.10.2022 16:25 933

Мемлекет басшысының бастамасымен өткен «Қоқыссыз таза табиғат» жалпыұлттық акциясы аясында тауларды тазарту бойынша экологиялық сенбілікке 2 мыңнан астам адам қатысты, деп хабарлайды El.kz. Бұл туралы қала әкімдігінің ресми сайтында жарияланды.

 Акцияға қоғамдық ұйымдардың өкілдері, азаматтық белсенділер мен еріктілер қосылды. Өз кезегінде алматылық студенттер «Eco Student KZ» республикалық жобасын қолдады.

Сенбілікке қатысушылар үшін қаладан трансферлер ұйымдастырылып, қажетті заттар мен түскі бокстар ұсынылды. Сенбілік басталғанға дейін Төтенше жағдайлар департаментінің мамандары таулы жерлерде қауіпсіздік және мінез-құлық ережелері бойынша нұсқаулық өткізді.

Жаппай жинау ең танымал туристік орындарды – Көк жайлау үстіртін, Бутаковка, Казачка, Кимасар және Проходное шатқалдарын қамтыды. Сенбілікке қатысушылар барлығы 35 тонна қоқыс жинап, Медеу ауданында 250 алма, сондай-ақ 500 бұта отырғызды.

Экологиялық сенбілік тұтынушылардың табиғатқа деген көзқарасына қарсы шыққандардың барлығын біріктіруге, қоршаған ортаны қорғау және экологиялық туризмді дамыту мәселелеріне назар аударуға арналған.

Ағымдағы жылдың тоғыз айында Іле Алатау ұлттық паркіне 630 мыңға жуық адам келді.


Бөлісу:
Telegram Қысқа да нұсқа. Жазылыңыз telegram - ға