Алматыдағы Дженнифер Лопес концертінен қанша табыс түсті?

Алматыдағы Орталық стадионда Дженнифер Лопестің ауқымды шоуы өтті. Оған 27 мың көрермен қатысты, оның ішінде 35 елден келген 7 мың шетелдік қонақ болды, деп хабарлайды El.kz интернет порталы.

Экономикалық тиімділік те жоғары көрсеткішке жетті:
 • 10 млрд теңгеден астам айналым;
 • шамамен 600 млн теңге салық түсті;
 • концерт күні Алматыда шетелдік туристердің өзі 5 млрд теңгеден астам қаржы қалдырды.

Дженнифер Лопес тобы концерттің ұйымдастырылуын жоғары бағалады. Әншінің турының бас режиссері мен техникалық директоры Григорий Антропов Алматыдағы дайындық жұмыстары барлық қаланың ішінде ең үздігі болғанын атап өтті.

Мұндай ірі мәдени іс-шаралар Алматының туристік тартымдылығын арттырып, қаланың әлемдік гастрольдер картасындағы маңызды нүкте ретіндегі мәртебесін нығайтады.

Алматы концерт

Қысқа да нұсқа. Жазылыңыз telegram - ға