Алматыда қоймадағы өрт толығымен сөндірілді
Фото: Төтенше жағдайлар министрлігі
Фото: Төтенше жағдайлар министрлігі
17.02.2024 15:16
1738
Алматыда барахолка қоймасындағы өрт сағат 14.58-де толығымен сөндірілді. Зардап шеккендер жоқ, деп хабарлайды El.kz ақпарат агенттігі.
Еске салсақ, оқиға бүгін таңғы уақытта болған. Төтенше жағдайлар департаментінің күштері мен құралдары жоғары дәрежедегі деңгей бойынша жұмыс істеді. Алдын ала мәлімет бойынша қойманың шатыры ашық жалыннан өртенген.
Өртті сөндіруге ТЖД жеке құрамының 104 адамы және 29 техника жұмылдырылды.
Сағат 11.31-де жанып жатқан қоймадан көлемі 25 литрлік 1 газ баллоны эвакуацияланды. Өртті сөндіру жарылыс қаупі бар заттар, яғни, газ баллондары, аэрозольді газ баллондары, лак-бояу бұйымдарының салдарынан күрделене түскен.
Оқи отырыңыз:
Бөлісу:
Қысқа да нұсқа. Жазылыңыз telegram - ға