Алматыдағы MEGA Park маңында автобус дүкенге соқтығысты, деп хабарлайды El.kz ақпарат агенттігі.
Салдарынан бір жолаушы қаза тауып, 16 адам зардап шекті.
Оқиға Алматының Алмалы ауданында сағат 14:20-да болған.
Kia жүргізушісі Мақатаев көшесінен өтіп бара жатып, #18 бағыттағы автобуспен соқтығысса, қоғамдық көлік дүкенге барып соғылған.
Алматы қалалық Полиция департаменті аталған жайтқа байланысты қылмыстық іс қозғалғанын мәлімдеді. Тиісті сараптамалар тағайындалды.
