Алматыда 980 орындық заманауи студенттік жатақхана ашылды
Алматыда студенттер үшін жаңа жатақхана пайлануға берілді, деп хабарлайды El.kz ақпарат агенттігі.
Нысан екі тұрғын үй ғимаратынан және 198 орындық трибунасы бар ойын залы бар спорт кешенінен тұрады. ҚБТУ-дың жаңа жатақханасы заманауи коворкинг орталығына ұқсайды, жайлы жағдайда өмір сүру, бос уақытты тиімді өткізу және спортпен шұғылдану үшін толық жабдықталған.
Қаланы дамытудың 2025 жылға дейінгі бағдарламасы аясында 12 мың орындық, ал 2030 жылға дейін тағы 20 мың орындық жатақхана салу жоспарланған, бұл жатақхана тапшылығы мәселесін толығымен шешуге мүмкіндік береді.
Қалада 35 жоғары оқу орны бар, онда 199 мыңнан астам студент оқиды, оның 62%-дан астамы немесе 124 мыңы өзге өңірден келгендер.
Осы бағыттағы жұмыстарды үйлестіру үшін 42 452 орынға арналған 48 жобаны қолға алған жобалық кеңсе ашылды. Жоба 114-тен астам әлеуетті инвесторды тартты.
Қысқа да нұсқа. Жазылыңыз telegram - ға