Алматы облысында қамыс өртенді
Өрт сөндірушілер мен жергілікті атқарушы органдардың бірлескен күшімен Іле-Балқаш резерватының аумағындағы (кішігірім аралдарда және кірме жолдары жоқ жетуі қиын батпақты жерлерде) өрттің жану аумағы 100 гектарға дейін азайтылды. Бұл туралы ТЖМ баспасөз қызметіне сілтеме жасай отырып El.kz ақпарат агенттігі хабарлайды.
ТЖД және «Іле-Балқаш» МҰБ» РММ күштерімен қол шанц құралдары мен мотопомпаларды пайдалана отырып өрт сөндірілуде. Сондай-ақ Бақанас орман шаруашылығы учаскелерінде өрттің өтуін болдырмау үшін орман шаруашылығы күштерімен жер жырту жүргізілуде. Елді мекендерге қауіп жоқ, - делінген мәліметте.
2023 жылғы 28 маусымда сағат 13:40 сағаттан бастап табиғи өртті сөндіру үшін «Қазавиақұтқару» АҚ МИ-872 тікұшағы жұмылдырылды. Қазіргі уақытта көлемі 21 тонна 7 су ағызу жүзеге асырылды.
Өрт ошақтарын сөндіруге ТЖД және «Іле-Балқаш» МҰБ» РММ 70-ке жуық қызметкер және 34 бірлік техника жұмылдырылды.
Қысқа да нұсқа. Жазылыңыз telegram - ға