Жаңалықтар

Алғашқы сыйақым шоколад болған – Әлішер Каримов

Алғашқы сыйақым шоколад болған – Әлішер Каримов
Фото: instagram.com/alisher_k 31.01.2024 14:30 563

Отандық әнші Әлішер Каримов көпшілікке SuperSTAR жобасында танылды. Дегенмен Әлішер сахнаға қадамын бала күнінде аттаған. Өнер иесі «1001 түн» бағдарламасында сахнаға алғаш рет шыққаны туралы қызықты оқиғаны айтып берді, деп хабарлайды El.kz ақпарат агенттігі.

1991 жылы «Әнші балапан» жобасы Таразға келгенде әкемнің әпкесі ұлын қатыстырмақ болды. Дайындалып жүрген жиен ағамның байқауға бір апта қалғанда тісі түсіп қалды. Аяқ астынан оның орнына мені қатыстыратын болып шешім қабылданды. Қорқып сахнадан қашып кеткен кезім де болды. Сол кезде Snickers шоколадтары енді келіп жатқан. Әкем «Әніңді айтып шықсаң, Snickers алып беремін» деп көндірді. Алғашқы сыйақым шоколад болған, - деді әнші.

Отандық танымал әншінің үлкен сахнада жүргеніне биыл 20 жыл. Осыған орай ол Бейбітшілік және келісім сарайында концерт бермек.

Бөлісу:
Telegram Қысқа да нұсқа. Жазылыңыз telegram - ға