Әлем чемпионаты: Елдана Тәліпова қола жүлдегер атанды

Қазақстан әйелдер құрамасының өкілі Елдана Тәліпова бокстан Ливерпульде (Ұлыбритания) өтіп жатқан әлем чемпионатының қола жүлдегері атанды, деп хабарлайды El.kz интернет порталы.

ҰОК мәліметінше, бұрымды боксшымыз 80 келіден жоғары салмақта ел намысын қорғады. Елдана Тәліпова жартылай финалда Польша елінің өкілі Агата Качмарскамен жұдырықтасты.

Жекпе-жек қорытындысы бойынша польшалық боксшы финалға өтті. Осылайша, Қазақстан құрамасының қоржынында екі қола жүлде бар. Бұған дейін Виктория Графеева (60 келіге дейін) үшінші орын алған еді.

әлем чемпионаты бокс

Қысқа да нұсқа. Жазылыңыз telegram - ға