Жаңалықтар

Әлем біріншілігінде үздік шыққан жас таеквондошылар марапатталды

Әлем біріншілігінде үздік шыққан жас таеквондошылар марапатталды
Фото: Қазақстан таеквондо федерациясы 26.11.2023 00:33 522

Таеквондодан кадеттер арасында әлем чемпионаты мен Азия чемпионатының жеңімпаздары мен жүлдегерлерін марапаттау рәсімі өтті. Қазақстан Таеквондо федерациясының президенті Вячеслав Ким кадеттерді табысты өнер көрсетуімен құттықтады, деп хабарлайды El.kz ақпарат агенттігі.

Кадеттердің ұлттық құрамасы 2023 жылы Босния мен Герцеговина астанасы Сараево қаласында өткен әлем чемпионатында жеңіске жетудің керемет шеберлігі мен талпынысын көрсетіп, алты медаль жеңіп алды, оның ішінде екі алтын, үш күміс және бір қола.

Әлемдік біріншіліктен кейін кадеттер Ливанның Бейрут қаласында өткен Азия чемпионатында он үш медаль жеңіп алды, оның ішінде бір алтын, бес күміс және жеті қола.

Вячеслав Ким спортшыларға, жаттықтырушылар штабына және бүкіл командаға керемет нәтижеге қол жеткізуге қосқан зор үлесі үшін алғыс білдірді. Команданың әлемдік және құрлықтық біріншіліктерде өнер көрсетуі жаттықтырушылардың тамаша жұмысын және болашақ турнирлерде жоғары бәсекелестікке дайындығын атап өтті.

Бөлісу:
Telegram Қысқа да нұсқа. Жазылыңыз telegram - ға