Жаңалықтар

Александр Бублик Дубай турнирінің финалында ұтылып қалды

Александр Бублик Дубай турнирінің финалында ұтылып қалды
Фото: Қазақстан теннис федерациясы 03.03.2024 06:23 496

Қазақстанның бірінші, әлемнің 23-ракеткасы Александр Бублик Дубай ATP 500 турнирінің финалында ұтылып қалды, деп хабарлайды El.kz ақпарат агенттігі.

Қазақстандық теннисші финалда әлемнің 18-ракеткасы франциялық Уго Умбермен шеберлік байқасты.

Осыған дейін Бублик ATP жарыстарында 10 рет финалға шығып, соның төртеуінде жеңімпаз атанған еді.

Бұл жолы бірінші партияны Умбер брейкпен тәмамдады – 6:4. Ол екінші сетте 4:1 есебімен алға кетті. Ақыры үшінші матчболын құр жіберген жоқ – 6:3.

Бір сағат 25 минутқа созылған бәсеке барысында Бублик 8 эйс жасап, 2 брейк-пойнтты пайдалана алмады. 

ATP додаларында алты рет финалға шығып, бәрінде чемпион атанған франциялық теннисші алдағы дүйсенбіде әлемнің 14-ракеткасы атанбақ.

Александр соңғы бәсекеде жеңіліп қалғанына қарамастан, рейтингіде 19-орынға көтеріледі. Бұл оның рекордтық көрсеткіші болмақ.

Бөлісу:
Telegram Қысқа да нұсқа. Жазылыңыз telegram - ға