459.92
501.31
6.62

Әділетті Қазақстанды құрудың басты идеясы – теңдік – Дархан Қыдырәлі

Мүгедектігі бар адамдарды қолдауда жан-жақты жұмыстар жүргізілуде
telegram.org
Фото: telegram.org 02.12.2022 19:33 257

Бүгін Қарағанды қаласында 3 желтоқсан Мүгедектігі бар адамдардың халықаралық күніне орай өтіп жатқан жиында Ақпарат және қоғамдық даму министрі Дархан Қыдырәлі осылай деді, деп хабарлайды El.kz ақпараттық агенттігі министрліктің баспасөз қызметіне сілтеме жасап.

«Атаулы күннің мақсаты – инклюзивті қоғамды дамыту, мүмкіндігі шектеулі жандарды қоғамға тең құқылы азамат ретінде араластыру. Мемлекет басшысы Қасым-Жомарт Тоқаевтың инклюзивті, ашық бәсекелестік орныққан және бәріне тең мүмкіндік берілетін Әділетті Қазақстанды құру бастамасының басты идеясы – Equality, яғни теңдік деп ойлаймын» - деді  министр.

Дархан Қыдырәлінің сөзінше, бұл тұрғыда мүгедектігі бар адамдарды қолдауда жан-жақты жұмыстар жүргізілуде. Мәселен, биыл Президент "Қазақстан Республикасының кейбір заңнамалық актілеріне мүгедектігі бар адамдардың өмір сүру сапасын жақсарту мәселелері бойынша өзгерістер мен толықтырулар енгізу туралы" Заңға қол қойды.

Ақпарат және қоғамдық даму министрлігі инклюзия бойынша бірқатар нақты жұмыстар атқарып жатыр. Мәселен министрлік жанынан Ақпаратқа қол жеткізу мәселелері жөніндегі комиссия құрылған.  Ол ақпаратқа қол жеткізуде қоғам мүддесін ескеру үшін жұмыс істейді. «Ашық үкімет» порталдарында нашар көретіндерге арналған бөліктің дыбыстық варианты іске қосылды.  

«Мүгедектігі бар адамдарды қолдауға бағытталған 3 республикалық гранттық жоба жүзеге асып жатса, жыл сайын халықтың әлеуметтік осал топтарын қолдау саласында үкіметтік емес ұйымдар сыйлықақы иегері атанады. Биыл осы саладағы 12 ұйым сыйлықақыға ие болды. Бұл – ең көп марапатталған сала», - деді министр. 

Қысқа да нұсқа. Жазылыңыз telegram - ға

Жаңалықтар