Абылайхан Жұбаназар «Үлкен дулыға» турнирінің күміс жүлдегері атанды

Абылайхан Жұбаназар Грузия астанасы Тбилисиде өтіп жатқан Үлкен Дулыға бəсекесінің күміс жүлдегері атанды, деп хабарлайды El.kz ақпараттық агенттігі Спортты дамыту дирекциясына сілтеме жасап. 

Отандасымыз финалда аустриялық дзюдошы Вахид Борчашвилиден голден-скорда жеңілді. Абылайхан D тобында іріктеуде канадалық Мохаб ел-Нахасты, польшалық Павел Дзималды, Еуропа чемпионы атанған молдовалық Виктор Стерпуды ұтты. Ал жартылай финалда грузиялық Дмитрий Гочилаидзеден басым түсті.

Айта кетейік, кеше Мағжан Шамшадин (60 кг) мен Əбиба Абужақынова (48 кг дейін) өз салмағында үздік үштікті түйіндеген.

Спорт жаңалықтары Абылайхан Жұбаназар

Қысқа да нұсқа. Жазылыңыз telegram - ға