Жаңалықтар

Қаңтар оқиғасына қатысқандарға үкім шықты

Жеңілдететін мән-жайларды ескере отырып, бес сотталушы үш жылға бас бостандығынан шектелді.
Қаңтар оқиғасына қатысқандарға үкім шықты
Фото: ашық дереккөзден 14.09.2022 06:40 1164

Өскемен қаласында қаңтар оқиғасына қатысқан 13 адамға сот үкімі жария етілді, деп хабарлайды EL.KZ ҚазАқпаратқа сілтеме жасап.

ШҚО прокуратурасы баспасөз қызметінің мәліметіне сүйенсек, қалалық сот қаңтар оқиғасына қатысқан 13 адамға қатысты үкім шығарды. Іс ҚР Қылмыстық Кодексінің 272-бабы 2-бөлігі (Жаппай тәртіпсіздікке қатысу), 296-бабы 2-бөлігі (Есірткіні өткізу мақсатынсыз заңсыз сақтау) бойынша қаралды.

Жеңілдететін мән-жайларды ескере отырып, бес сотталушы үш жылға бас бостандығынан шектелді. Ал жеті айыпталушыға төрт жылға бас бостандығынан шектеу жазасы тағайындалды. Осыған дейін басқа да қылмыс жасаған 1 адам үш жарым жылға бас бостандығынан айырылды. Үкім әлі заңды күшіне енген жоқ, - делінген ақпаратта.


Бөлісу:
Telegram Қысқа да нұсқа. Жазылыңыз telegram - ға