2024-2026 жылдары 9 облыста жаңадан 20 су қоймасы салынбақ

Су ресурстары және ирригация министрлігі Қазақстанның су-ресурстық әлеуетін сақтау, су ресурстарын басқарудағы қоғамның рөлін арттыру және цифрландыру мәселелерін ескере отырып жаңа Су кодексін әзірледі, деп хабарлайды El.kz ақпарат агенттігі.

ҚР СУ РЕСУРСТАРЫН БАСҚАРУ ЖҮЙЕСІН ДАМЫТУДЫҢ 2024-2030 ЖЫЛДАРҒА АРНАЛҒАН ТҰЖЫРЫМДАМАСЫ ЖАСАЛДЫ

• суармалы ауыл шаруашылығы жерлерінің ауданын 2,2 млн гектарға дейін ұлғайтуға,
• су үнемдеу технологияларының жалпы үлесін 40%-ға жеткізуге,
• тасымалдау кезінде суармалы судың шығынын 15% - ға дейін азайтуға мүмкіндік береді

ҚР СУ ШАРУАШЫЛЫҒЫН ДАМЫТУДЫҢ 2024-2030 ЖЫЛДАРҒА АРНАЛҒАН КЕШЕНДІ ЖОСПАРЫН ӘЗІРЛЕДІ

• еліміздің су ресурстарының көлемін 3,7 текше километрге арттыруға,
• суармалы судың шығынын азайтуға және оның көлемін 3 текше километрге арттыруға,
• 55 мыңнан астам халқы бар 41 елдімекенді сумен қамтамасыз етуге,
• Қазақстанның көрші елдердің су ресурстарына тәуелділігін 25%-ға азайтуға мүмкіндік береді

ИНФРАҚҰРЫЛЫМДЫҚ ЖОСПАР

• 2024-2026 жылдары 9 облыста жаңадан 20 су қоймасын салу,
• 15 су қоймасын және 3500 шақырым су арнасын реконструкциялау,
• 3,5 мың шақырым суару желісін цифрландыру жоспарланып отыр

САЛАҒА БІЛІКТІ КАДРЛАРДЫ ТАРТУ

• 2024 жылдың 1-ші қаңтарынан бастап бірқатар су шаруашылығы қызметкерлерінің жалақысы орта есеппен 25%-ға өседі
• Бассейндік инспекция штаты 98 адамнан 242 адамға дейін ұлғайтылды
• Жоғары және жоғары оқу орнынан кейінгі білім беру мамандықтарының қолданыстағы жіктеуішіне су шаруашылығы саласы бойынша бірқатар жаңа бағдарламалар қосу ұсынылды
• Қазақстандық студенттерді су саласы мамандықтары бойынша жақын және алыс шет елдердің жоғары оқу орындарында оқыту үшін гранттар бөлу туралы бастама көтерді
• Ташкент ирригация және ауыл шаруашылығын механикаландыру инженерлері институтымен бірлескен бағдарламалар іске қосылды
• Су саласы қызметкерлерін қайта даярлау және олардың біліктілігін арттыру жөніндегі бағдарламалар іске қосылады

ҒЫЛЫМ ЖӘНЕ ИННОВАЦИЯ

• Каспий теңізінің ғылыми-зерттеу институтын құру
• Ұлттық гидрогеологиялық қызмет құру
• «Қазақстан Ғарыш Сапары» Ұлттық компаниясымен бірлесіп су ресурстары бойынша интерактивті геоақпараттық платформа құру бойынша жұмыс жүргізіп жатыр.

ТҰРҒЫНДАРДЫ АУЫЗ СУМЕН ҚАМТУ

• Министрлік 868 мың тұрғыны бар 375 елдімекенді сумен қамтамасыз ету және сумен жабдықтау жүйесін жаңарту мақсатында 33 жобаны іске асыруды жалғастырды.
• Гидротехникалық құрылыстарды реконструкциялау және модернизациялау бойынша 35 инвестициялық жобаны іске асыру жалғасып жатыр.
• Алматы, Жамбыл, Қызылорда және Түркістан облыстарында 105,1 мың га алаңда ирригациялық және дренаждық жүйелерді жетілдіру жөніндегі жоба іске асырылып жатыр.
• Астана қаласын тұрақты сумен қамтамасыз ету үшін Қ.Сәтбаев атындағы каналдан Есіл және Нұра өзендеріне 93 млн текше метр көлемінде су жіберілді.

СУ ДИПЛОМАТИЯСЫ

• Көрші елдермен келіссөздер қорытындысы бойынша келесі жылдың 1 сәуіріне дейін Сырдария өзеніне 11,1 текше шақырым су келеді деп күтілуде.
• «Достық» мемлекетаралық каналы арқылы 487 млн текше метр су келеді деп болжанып отыр.
• Қырғызстанмен Жамбыл облысына суармалы жерлеріне су беру туралы келісімге қол жеткізілді.
• Министрлік Қытаймен 20-дан астам өзен бойынша келіссөз жүргізуде. Олардың ішінде үш ірі трансшекаралық өзен: Ертіс, Іле және Емел бар.
• Қырғызстан, Тәжікстан, Түрікменстан және Өзбекстанның қатысуымен «Орталық Азия елдері арасында су-энергетикалық ынтымақтастық тетігін құру туралы» келісімнің жобасы әзірленуде.

СУ ҮНЕМДЕУ ТЕХНОЛОГИЯЛАРЫН ЕНГІЗУ ШЫҒЫНДАРЫН СУБСИДИЯЛАУ

• Ауыл шаруашылығы тауарын өндірушілерді су үнемдеу технологияларын енгізуге ынталандыру үшін министрлік уәкілетті органмен бірлесіп суару жүйелерін салуға және тамшылатып және жаңбырлатып суару жабдықтарын сатып алуға арналған шығындарды субсидиялауды 50% - дан 80% - ға дейін ұлғайту бойынша жұмыс жүргізіліп жатыр.

Қысқа да нұсқа. Жазылыңыз telegram - ға