Жаңалықтар

20 наурызда еліміздің барлық мектебінде бір мезетте күй ойнайды

20 наурызда еліміздің барлық мектебінде бір мезетте күй ойнайды
Фото: Оқу-ағарту министрлігі 14.03.2024 07:15 413

Еліміздің барлық білім беру ұйымдарында ұлттық күй бір мезетте ойнайды. Наурыз мейрамына арналған республикалық челлендж 20 наурыз күні сағат 12:00-де өтеді, деп хабарлайды El.kz ақпарат агенттігі.

Оқу-ағарту министрлігіндегілер бұл шара өскелең ұрпақтың бойында рухани-адамгершілік құндылықтар мен патриоттық сезімдерді қалыптастыруға, елдің мәдени мұрасын жалғастыруға, балалар арасында домбырада ойнауды насихаттауға бағытталып отырғанын мәлімдеді.

Домбырашылар челленджінің мақсаты - балалар мен жастардың, мұғалімдер мен ата-аналардың музыкадағы шығармашылық жетістіктерін көрсету және домбыраны дәріптеу. Шараға барлық ниет білдірушілер қатыса алады. Бұл челлендж былтыр алғаш рет өтті. Домбыраның күмбірлеген үні бір уақытта барлық білім беру ұйымдарында ойнады. Бұл еліміздің мәдени өмірі үшін елеулі оқиға. Шаралар «Біртұтас тәрбие» бағдарламасы аясында өткізіледі, - дейді министрліктің Тәрбие жұмысы және қосымша білім беру департаментінің директоры Меруерт Медетбекова.

Айта кетейік, биыл Наурыз мейрамы еліміздің барлық жалпы білім беретін мектептерінде 14-23 наурыз аралығында өтеді. Осы күндері тақырыптық челлендждер, жалпыұлттық экологиялық акция және ұлттық ойындардан түрлі жарыстар ұйымдастырылады.

Оқи отырыңыз:

Бөлісу:
Telegram Қысқа да нұсқа. Жазылыңыз telegram - ға