Жаңалықтар

10 өңірдің мұғалімдері робототехниканы тегін үйреніп жатыр

10 өңірдің мұғалімдері робототехниканы тегін үйреніп жатыр
Фото: Оқу-ағарту министрлігі 16.02.2024 18:15 724

Астана, Алматы және Шымкент қалалары мен Павлодар, Шығыс Қазақстан, Қарағанды, Ақтөбе, Батыс Қазақстан, Қостанай және Солтүстік Қазақстан облыстарында STEM мұғалімдеріне арналған 3D-модельдеу және робототехника бойынша тегін тренинг басталды, деп хабарлайды El.kz ақпарат агенттігі.

200 мектеп мұғалімі апталық оқудан өтеді. Олар үшін 3D модельдеу және робототехника негіздері оқытылады. Сондай-ақ жобаларды құру және іске асыру үшін Autodesk 123D Design бағдарламасын пайдалану үйретіледі. Менторлық пен тренингті информатика, робототехника және 3D-модельдеу саласындағы сарапшылар, оның ішінде мұғалімдер, университет оқытушылары және робототехника клубтарының басшылары жүргізеді, - деп атап өтті «Дарын» РҒПО директорының орынбасары Айгүл Қарқұлова. Ошибка! Не указано имя файла.

Тренинг соңында финалдық турнир өтеді. Онда қатысушылардың жетістіктері мен шығармашылық жұмыстары көрсетіледі. Мұғалімдер оқушылармен бірге командалар құра отырып, өз жобаларын ұсынады. Жоба Қазақстандағы АҚШ елшілігінің қолдауымен және ҚР Оқу-ағарту министрлігі «Дарын» РҒПО-мен ынтымақтастықта ұйымдастырылды.

Бөлісу:
Telegram Қысқа да нұсқа. Жазылыңыз telegram - ға