Танымал журналист Айдос Садықов қайтыс болды
Киевте танымал қазақстандық журналист Айдос Садықов көз жұмды, деп хабарлайды El.kz ақпарат агенттігі.
Бұл туралы оның жұбайы Наталья Садықова әлеуметтік желіде жазды. Танымал журналист Киев уақытымен сағат 3:00-те қайтыс болған.
Сүйікті жарым, үш баламыздың әкесі, қазақтың ұлы баласы бүгін сағат 3:00-те бақилыққа аттанды. Айдос он үш күн бойы өмір үшін күресті, бірақ ғажайып болмады, - деп жазды Наталья Садықова.
Айта кетейік, 2024 жылдың 18 маусымында Киевте журналист Айдос Садықовты атып кетті. Киев прокуратурасы қасақана кісі өлтіруге оқталу фактісі бойынша тергеуді бастады.
Президенттің баспасөз хатшысы Берік Уәли Қасым-Жомарт Тоқаевтың Киевте Қазақстан азаматы Айдос Садықовқа жасалған қастандыққа қатысты тергеу амалдарын жіті бақылап отырғанын жеткізді.
Қысқа да нұсқа. Жазылыңыз telegram - ға