Шымкентте балабақша басшылары 45,7 млн теңге жымқырған
Фото: ult.kz
10.06.2022 10:25
2344
ҚМА Шымкент қаласы бойынша аумақтық департаменті бюджет қаражатын жымқырды деген күдікпен балабақша меңгерушілеріне қатысты сотқа дейінгі тергеу амалдарын бастады, деп хабарлайды El.kz Baq.kz-ке сілтеме жасап.
Балабақша басшылары 2019-2021 жылдар аралығында балалардың қатысу есебіне жалған мәліметтер енгізіп, мектепке дейінгі білім беруді жан басына шаққандағы қаржыландырудың «Балапан» бағдарламасы бойынша қарастырылған жалпы сомасы 45,7 млн теңге бюджет қаражатын заңсыз жымқырған деген күдікке ілінді - делінген хабарламада.
Қазір бұл іс бойынша тергеу жүріп жатыр. Қылмыстық-процесстік кодексінің 201-бабына сәйкес өзге мәліметтер жария етілмейді.
Бөлісу:
Қысқа да нұсқа. Жазылыңыз telegram - ға