Қарағандыда көпқабатты тұрғын үйлердің бірінде өрт шықты. Оқиға Ә.Бөкейхан ауданының Көк тоғандар шағынауданында болған, деп хабарлайды El.kz ақпарат агенттігі.
ТЖМ мәліметінше, 10 қабатты үйдің 8-қабатында орналасқан пәтердің балконы жанған. Қатты түтіннің салдарынан баспалдақ маршымен 18 адам, оның ішінде 5 бала эвакуацияланды.
Тұрғындардың оқиға туралы уақытылы хабарлауының арқасында өрттің таралуына жол берілмей, дер кезінде сөндірілді. Зардап шеккендер жоқ.
