Жаңалықтар

Өскеменде жоғалған 8 жасар бала аман табылды

Өскеменде жоғалған 8 жасар бала аман табылды
Фото: © Polisia.kz 04.08.2023 13:02 686

Өскемен полицейлері жоғалған 8 жасар баланы тауып, ата-анасына қайтарды, деп хабарлайды El.kz ақпарат агенттігі.

3 тамызда сағат 19:23-те “102” жедел арнасына облыс орталығының 45 жастағы тұрғыны хабарласып, ол өзінің 8 жасар ұлы таңертең үйден кетіп, осы уақытқа дейін оралмағанын айтқан. Күні бойы өз бетімен іздеу нәтиже бермегендіктен, баланың анасы полициядан көмек сұраған.

Жоғалған кәмелетке толмаған баланы іздеу жұмыстарына Өскемен қаласы полиция басқармасының жеке құрамы дереу жұмылдырылды. Жедел-іздестіру іс-шараларын жүргізу барысында жоғалған бала Кенді емес материалдар комбинатының көлдер ауданынан табылды. Белгілі болғандай, кәмелетке толмаған жігіт досының велосипедын алып, кешкі уақытқа дейін теуіп жүрген.

Полиция қызметкерлерінің үйлесімді және жедел іс-қимылдарының нәтижесінде кәмелетке толмаған бала табылып, туыстарына қайтарылды, – деп атап өтті Өскемен қаласы полиция басқармасы бастығының м.а. Орал Рыспаев.

Баласымен қауышқан қуанышты әйел қысқа мерзім ішінде ұлын тауып берген тәртіп сақшыларына шын жүректен алғыс айтты.

Бөлісу:
Telegram Қысқа да нұсқа. Жазылыңыз telegram - ға