Жаңалықтар

Музейге италиялық мозаика «көшіп келді»

Көрме
12.10.2016 06:40 7701

Кеше ҚР Ұлттық музейінде италиялық мозаика мектебі шеберлерінің «Фриули мозаикасы» атты көрмесі ашылды. Көрмені Италияның Қазақстандағы елшілігі мен Ұлттық музей бірлесіп ұйымдастырды.

Музейге италиялық мозаика «көшіп келді»

Шараға Ұлттық музей директоры Дархан Мыңбай, Италияның ҚР Төтенше және өкілетті елшісі  Стефано Раваньян, Әбілхан Қастеев атындағы бейнелеу өнері және техникалық дизайн мектебінің директоры Ханзада Есенова  және музей қонақтары қатысты.

Музейге италиялық мозаика «көшіп келді»

Ұлттық музей директоры Дархан Мыңбай ұйымдастырушыларға алғыс айтып, қонақтарды көрмеден рухани ләззат алуға шақырды.

Музейге италиялық мозаика «көшіп келді»

Ал, Италияның ҚР Төтенше және өкілетті елшісі  Стефано Раваньян: «Көрмені ұйымдастыруға жағдай жасаған Ұлттық музейге алғыс білдіремін. Бұл музей – біздің мозаикаларымызды көрсетуге таптырмайтын орын. Оның үстіне көрме  Италия мен Қазақстан арасындағы мәдени байланыстың арқасында жүзеге асып отыр. Бұл көрме бірлесіп жұмыс атқарудың алғашқы бастаулары. Ендігі жерде қазақстандық студенттер Италияға барып, мозаиканың қыр-сырын толықтай меңгере алады» деді.

Музейге италиялық мозаика «көшіп келді»

Көрме қонақтары алтын және платинамен қапталған майолика бұйымдарымен танысты. Олардың қатарында түрлі өрнектермен безендірілген вазалар, табақтар, құмыралар, екі сапты графиндер, тегештер, үлкен шамдалдар, құмғандар, қобдишалар, барокко сағаттары сынды заттар бар.

Музейге италиялық мозаика «көшіп келді»

Қонақтар назарына барлығы 70-ке жуық керамика бұйымдары ұсынылды.

Музейге италиялық мозаика «көшіп келді»

Көрме 28 қарашаға дейін жалғасады.


Суреттер ҚР Ұлттық музейінің баспасөз қызметінен алынды

Бөлісу:
Telegram Қысқа да нұсқа. Жазылыңыз telegram - ға