Елордалық оқушылар теміржол қауіпсіздігін арттыратын инновациялық жоба ұсынды

Елордалық оқушылар Дінмұхамед Матай мен Әмір Жәнібек ҚТЖ-ға теміржол инфрақұрылымының қауіпсіздігі мен тиімділігін арттыруға бағытталған «Теміржол рельстерін қосудың инновациялық технологиялары» жобасын ұсынды, деп хабарлайды El.kz интернет порталы.

11-сынып оқушылары рельстерді қосудың технологиясы бойынша төрт инновациялық ұсыныс жасады. Барлық шешімдер Қазақстан Республикасында патенттер алды және Женевадағы халықаралық тіркеуге берілді. Жоба Нью-Йорктегі халықаралық олимпиадада да ұсынылды. 

Әзірлемелер шу деңгейін, рельстің тозуын және апаттылықты азайтуға бағытталған, сонымен қатар пайдалану шығындарын айтарлықтай үнемдеуге мүмкіндік береді.

Компания басшылығы инженерлік тәсілге оң баға беріп, жобаны дамытуға жәрдемдесуге дайын екендіктерін білдірді. 

Қол жеткізілген уағдаластықтар шеңберінде ҚТЖ жобаны жетілдіру үшін қажетті материалдарды ұсынады, сондай-ақ  Бурабай курортындағы рельс дәнекерлеу кәсіпорнына танысу сапарын ұйымдастырады. Кездесу аясында оқушылар ҚТЖ орталық мұражайына барды. 
 

ҚТЖ оқушы

Қысқа да нұсқа. Жазылыңыз telegram - ға