459.92
505.77
6.57

Елдегі жылу және электр қуаты нысандарының дайындығы тексеріледі

Ол үшін арнайы жедел топтар құрылады
inform.kz
Фото: inform.kz 02.12.2022 05:16 334

Президент әкімшілігі басшысының бірінші орынбасары Тимур Сүлейменовтың төрағалығымен төрағалығымен қысқы жылыту маусымына дайындық жөніндегі орталық және жергілікті атқарушы органдардың қызметін тексеру жөніндегі комиссияның бірінші отырысы өтті, деп хабарлайды El.kz Борт №1 телеграм арнасына сілтеме жасап.  

Жиын қорытындысы бойынша мынадай тапсырмалар берілді:

үш күн ішінде барлық энергия нысаны кешенді, соның ішінде техникалық жағдайына қарай қауіптілік тұрғыдан топтарға бөлінсін. Неғұрлым осал жылу электр орталықтары мен жылу желілері бойынша меншік иелері, әкімдіктер мен министрліктер арасында бірінші кезекте атқарылатын іс-әрекет жоспары дайындалсын;

өңірлерде жылумен және электр қуатымен қамтамасыз ететін нысандардың іс жүзінде дайындығын тексеру үшін жедел топтар құрылсын;

Қаржы министрі мен Қаржылық мониторинг агенттігі әрбір заңды тұлғаның тарифтік сметасы мен инвестициялық бағдарламасына талдау жүргізіп, капиталды сыртқа шығару ықтималдығын тексерсін;

уәкілетті мемлекеттік органдардың бақылау-қадағалау функцияларын күшейтіп, жылумен және электрмен қамтамасыз ететін нысандардың меншік иелерінің жауапкершілігін арттыру үшін салалық заңдар мен заңға тәуелді актілерге енгізілетін өзгерістер әзірленсін.

Қысқа да нұсқа. Жазылыңыз telegram - ға

Жаңалықтар