Үлкен теннисте Ұлттық құрама австриялықтармен кездеседі

Ақпанның 1-нен бастап үлкен теннистен 2013 жылғы «Дэвис кубогінің» алғашқы кездесулері басталады.

Осыған орай Астана қаласына Қазақстан құрамасымен кездесетін Австрия елінің теннисшілері келді. Олардың қатарында әлемдік рейтингте 30-сатыға орналастқан Юрген Мельцер бар. Сонымен қатар алдағы кездесуде австриялықтар қатарында Андреас Хайдер-Маурер, Александр Пейя, Юлиан Поул өнер көрсететіні белгілі болды. Ал Ұлттық құрама сапында Михаил Кукушкин, Андрей Голубев, Евгений Королев және Юрий Щукин алаңға шығады. Кездесу топырақ төсеніште өтеді деп жоспарланған. Қазір қос құрама соңғы оқу-дайындығын жүргізуде.

Диас ДОСҚАРАЕВ, Ұлттық құрама капитаны:

- Австрия құрамасының ойыншылары жекелей сында да, жұптық сында да рейтингте жоғары тұрады. Біздің ойыншыларға қиын болады деп ойлаймын. Бірақ, біз Астанада ойнаймыз.

Қысқа да нұсқа. Жазылыңыз telegram - ға