Владимир Путин Нұрсұлтан Назарбаевты ЭКСПО-2017 өткізу құқына өтінішті Астананың жеңіп алуымен құтты

Қазақстан Республикасының Президенті Нұрсұлтан Назарбаевтың атына Ресей Федерациясының Президенті Владимир Путиннен хат келді, деп хабарлады BNews.kz Ақорданың баспасөз қызметіне сілтеме жасап.

В.Путин өз хатында Нұрсұлтан Назарбаевты ЭКСПО-2017 Халықаралық мамандандырылған көрмесін өткізу құқына өтінішті Астананың жеңіп алуымен құттықтаған.

«Бұл ауқымды іс-шара достас Қазақстанның тарихы мен дәстүрін, әлеуметтік-экономикалық жаңаруларының жоғары нәтижелерін әлемдік қоғамдастыққа көрсетеді, Республиканың халықаралық аренадағы беделін одан әрі нығайтуға септігін тигізеді деп сенемін», - делінген хатта.

В.Путин Ресей екі арасында қалыптасқан стратегиялық және одақтастық қарым-қатынастарды жалғастыра отырып, Астананың кандидатурасын алға жылжытуға белсенділікпен атсалысқанын атап өткен. Ол Екатеринборда ЭКСПО-2020 көрмесін өткізу туралы ресейлік тараптан берілген өтінішке байланысты тығыз өзара іс-қимыл және тәжірибе алмасылатынына сенім білдіреді.

Ресей Федерациясының Президенті Мемлекет басшысына және Қазақстанның барша халқына игілік, өсіп-өркендеу және жаңа табыстар тілейді.

Қысқа да нұсқа. Жазылыңыз telegram - ға