«Астана» баскетбол клубының құрамы жаңартылды

Бүгін елордада «Астана» БК жаңа маусымының таныстырылымы өтті. «Самұрық-Қазына» Ұлттық әл-ауқат қорының қолдауымен құрылған клуб тарихында үшінші баскетбол жылына кіруге дайындалуда. Қазіргі таңда клуб Президент кәсіби спортклубының құрамына кіреді, деп хабарлады Sports.kz.

Кездесуге көптеген жанкүйерлер, спортшылар мен журналистер келді. Баспасөз мәжілісінде астаналық клубтың өкілдері жаңа маусым мен басқа турнирлерде астаналық командадан не күтуге болатыны туралы әңгімелеп берді. 

«14 қазанда біз жаңа маусымды ашамыз. Алдағы маусым туралы айтатын болсақ, команда жеребесі өтті», - деді «Астана» БК бас директоры Валерий Тихоненко.

Оның айтуынша, биылғы жылы құрама алты командамен қарсыласады. Олардың қатарында – ЦСКА, ВЭФ, «Летувос Ритас», «Волгоград» командалары бар.

Қысқа да нұсқа. Жазылыңыз telegram - ға