Биылғы жылы ЕҰУ-де тарих факультетi ашылады – Сыдықов

Биылғы жылы Л.Гумилев атындағы Еуразия ұлттық университетiнде Тарих факультетi ашылады. Бұл туралы бүгiн ҚР Президентi жанындағы ОКҚ баспасөз мәслихаты барысында Л.Гумилев атындағы ЕҰУ ректоры, Қазақстан тарихшылары ұлттық конгресiнiң төрағасы Ерлан Сыдықов мәлімдеді, деп хабарлайды Вnews.kz тілшісі.

«Аз уақыттың iшiнде бұрын жабылып, басқа кафедраларға біріктірілген Қазақстан тарихы кафедралары қайта ашыла бастады. Нақты дерек бiздің Бiлiм және ғылым министрлiгiнде бар. Бұл шаруалар сол министрлiктiң пәрменiмен жүзеге асты», - дедi Сыдықов. 

Оның айтуынша, соңғы екi жылда Қазақстан ЖОО-лары iшiнде рейтинг бойынша көшбасшы орында тұрған Еуразия ұлттық университетi де аталмыш мәселеге көңiл бөлiп отыр. 

«Бiзде бұл кафедралар бұрыннан жұмыс iстеп келе жатыр. Тамаша археологтарымыз, этнологтарымыз, тарихты әр түрлi кезеңдерiн зерттейтiн аты әйгiлi ғалымдарымыз бар. Олардың нақты ғылыми мектептерi бар. Биыл бiз ойлана келе университетiмiзде тарих факультетiн ашуды көздеп, соған лайықты шешiмдi әзiрлеп отырмыз», - деп түйiндедi ол.

Қысқа да нұсқа. Жазылыңыз telegram - ға