Елорданың 15 жылдық мерейтойы аталып өтті

Бүгін елордамыздың 15 жылдық мерейтойы таңретең оркестрлер, жастар мен экстрада жұлдыздары, атақты спортшылардың қатысуымен өткен шеруден  басталып концерттік шараларға ұласты. Астананың мерейтойы мерекелік от шашуымен аяқталды, деп хабарлайды BNews.kz тілшісі.

Мерекелік бағдарламаның шымылдығын ашқан «Жұлдыздармен жол бойында» шеруі қаладағы Жастар сарайынан бастау алып Республика даңғылы, Қабанбай батыр көшесінің бойымен жалғасып Бәйтерек монументіне дейін созылды.

Шеру барысында Қазақстан эстрадасының жұлдыздары бірнеше көшпелі сахналардың үстінде астаналықтарға ән шырқап берді. Сондай-ақ, елімізге белгілі спортшылар мен сән саласындағы танымал адамдар ақ тілектерін айтты. Жұлдыздар қатарында халықтың жүрегінен орын тауып үлгерген «Мұзарт» тобы, Бүркіт, Мәдина Сәдуақасова, Маржан Арапбаева, Әлішер Кәрімов, Алмас Кішкенбаев, «Ринго» тобы және тағы басқа өнер иелері бар. Шеру Бәйтерек монументі алаңында аяқталып, шара сол жерден үлкен сахна төріндегі концертке ұласты.

Қысқа да нұсқа. Жазылыңыз telegram - ға