Амманда өтіп жатқан бокстан Азия чемпионаты әзірге біздің елдің ұландары үшін жаман басталмады.Берік Әбдірахманов алғашқы қадамын жеңіспен бастады, деп хабарлайды «Аламан». Ол жеребе бойынша бірінші кездесуінде қытайлық боксшы Лиу Цянмен кездесті. Берік алғашқы айналымнан сүрінбей өтті. Қытайлық боксшыны 2:1 нәтижесімен жеңіп, жарыс жолынан шығарды. Оның ендігі қарсыласы ирандық боксшы Ғани Әмір. Ол кездесу 4 шілдеге жоспарланған.
Бір өкініштісі, Ілияс Сүлейменов 52 келі салмақта филипиндік Рею Солюдардан жеңіліп қалды. Есеп - 1:2. Ал Иван Дычко ауыр салмақта иорданиялық боксшы Саиф Бадранды ұтты.
ҚазАқпарат.
